منتدى الفرح المسيحى - زوادة اليوم: ضلّكن عم تتمرّنو 💪🏼 2023/1/13

زوادة اليوم:
ضلّكن عم تتمرّنو 💪🏼

https://upload.chjoy.com/uploads/167355696332021.jpg

بيخبرو عن تنين أصحاب قرّرو يشاركو بمسابقة ركض.
واحد منّن كل يوم يوعى بكّير و يروح يتمرّن و التاني يضحك عليه
يقلّو ما في داعي أبداً للتمرين ما أنا بطل السنة الماضية و أسرع واحد بالمدرسة.
بيوم السبق بلّشت المنافسة و كان اللي ما تمرّن هوّي الأوّل بس وصل لنص السبق
و ما بقا قدر يكمّل من التعب و انسحب و بالآخر ربح رفيقو اللي تمرّن كل يوم!
الزوّادة بتقلّي وبتقلّكن :
ما تتّكلو عا قوّتكن وحدها لازم تضلّو عم تتمرّنو بكل شي بالحياة حتّى بعلاقتنا مع ربنا!
ما بيكفي قول أنا مؤمن و خلص، لازم ضل صلّي و غذّي إيماني تا يكبر أكتر و صير أقرب للرب!
الله يرافقكن و يعطيكن القوّة تكَملوا كل شي للآخر