![]() |
رحمته ورأفته بتحاوط حياتك | مزمور ١٠٣
https://upload.chjoy.com/uploads/167325046938281.jpg واحدة من أشهر الآيات اللي عارفينها وغالبا حفظناها في مزمور ١٠٣ وأنا بقراه من يومين وقفت قدام آية ٣ بيقول فيها كده: " الّذي يَفدي مِنَ الحُفرَةِ حَياتَكِ الّذي يُكلِّلُكِ بالرَّحمَةِ والرّأفَةِ " الآية دي مُبدعة يا جماعة وكانت إعلان جديد بالنسبالي وسط الظروف دلوقتي🤩💜 خلي بالك الحفرة دي بتكون تحتيك وممكن تقع فيها فمعني كلمة يفدي من الحفرة يعني كأنه بيحط إيده على الحفرة فمتقعش وتعدي عادي. دي رحمة وفداء ورأفة للي مش شايفينها!🥰 ومفيش أكتر من الحفر اللي مش شايفينها في حياتنا سواء ناس عملتهالنا أو عدو الخير حفرها أو إحنا وقعنا نفسنا فيها.😔 والنص التاني بيقول كده يُكللك بالرحمة والرأفة يعني يحط تاج على رأسك وده بيكون باين وظاهر للكل يعني يغطي رأسي ورأسك بشمسية وبإكليل وتاج من الرحمة والرأفة.😍 يعني يا صديقي اللي شايفينه ومش شايفينه هو واخد باله منه وبيسترنا وبيحاوطنا وبيكللنا برحمته ورأفته مش حاجة تطمن؟! 😇 عايز أطمنك النهارده رحمته ورأفته بتحاوط حياتك حتى لو أنت مش واخد بالك وحتى لو الظروف غامضة🤩💜 |
رد: رحمته ورأفته بتحاوط حياتك | مزمور ١٠٣
مشاركة في قمة الجمال ربنا يبارك حياتك |
الساعة الآن 05:34 AM |
Powered by vBulletin® Copyright ©2000 - 2025