منتدى الفرح المسيحى - *صبحيّة مع الربّ* 2023/1/8

*صبحيّة مع الربّ*

https://upload.chjoy.com/uploads/167312615063111.jpg

طلّ الصباح بنورو الوهّاج، وشرقت معو شمسك اللي بتغلغل بقلوبنا
وبتحرقنا بنار حبّك يا ربّ وتدفعنا تا نكون سفراءك عا هالأرض، منسبّحك ومنشكرك.
دايم حبّك يا يسوع يقلوبنا، حبّك اللي دفعك على إنّك تنزل عا أرضنا وتتجسد فيها
وتصير إنسان متلنا وتعلّمنا كيف نحبّ.
دايم نورك يا يسوع بكياننا، نورك اللي شعّ بولادتك وبعمادك وبتجلّيك
وبصلبك كرمالنا وبقيامتك من بين الأموات تا تعلّمنا كيف نكون نور الأمم.
دايم روحك القدّوس يا ربّ بحياتنا، الروح القدس اللي باقي معنا بكل لحظة من لحظات حياتنا
، وبيعلّمنا كيف نحبّ ونسامح ونخدم ونعيشك بالعالم،
الروح القدس اللي من دونو ما في حياة.
دايم إنت بيّنا يا رب، دايم إنت مخلّصنا، دايم إنت معزّينا
ومقوّينا بكل لحظات حياتنا الحلوة والمرّة.