منتدى الفرح المسيحى - الله شايفك بلا عيب مميز لان مقامك ابن

https://upload.chjoy.com/uploads/167299681002411.jpg

فى قصة فى الكتاب المقدس
بيجى حد اسمه بالاق ويجيب واحد تانى اسمه بلعام ويقوله
بقولك اية انا عاوزك تلعن شعب الله وتشتمهملى فيقوله
خلاص زى الفل ماشى فيروح بلعام علشان يلعن شعب الله ..

بس بدل ما يلعنهم يباركهم اربع مرات ✨
اية اللى بيحصل دة ؟!
دة الاكشن بتاع بالاق انا جايبك علشان تشتمهم وتلعنهم
وتيجى انت تباركهم!!

فالله بيحط على لسان بلعام كلام مهم جدا هو
انا مين علشان ارد بركه الله..
والايه المحورية فى ( عدد 23 : 21 )
"لَمْ يُبْصِرْ إِثْمًا فِي يَعْقُوبَ، وَلاَ رَأَى تَعَبًا فِي إِسْرَائِيلَ.
الرَّبُّ إِلهُهُ مَعَهُ، وَهُتَافُ مَلِكٍ فِيهِ."

شعب الله اللى مليان خطايا اللى الله نفسه بيقول عنهم
انهم زاغوا وبعدوا عنه ..
الله هنا بيتكلم عن" مقام الشعب " مش عن " اعمالهم "
فانت لو ابن لله اكيد بلا عيب
افتكر دايما انه الله نظرته مختلفة ليك
فالله شايفك بلا عيب مميز لان مقامك ابن
وفى الحالة دى تعمل باية
" تنسى ما هو وراء وتمتد الى ما هو قدام "