منتدى الفرح المسيحى

https://upload.chjoy.com/uploads/167261071319581.jpg

انت بجد غريب
غريب انك لسة بتتعشم
انك لسة بتتوقع ان اللي قدامك يفهمك
ولسة بتفتكر ان الناس هتقدر تعبك
لسة بتشوف انك طالما سديت في الازمة الناس هتحس بيك
ولسة بتفتكر ان كل الناس زيك
بجد غريب
غريب
انك لسة حاطط امانك في بشر
او انك لسة فاكر ان الناس هتخاف ربنا فيك زي ما انت بتعمل
او لسة عندك امل ان اللي بتقدمه يتشاف
بجد غريب
غريب انك لسة متخيل انك لما تقع هتلاقي حد يسندك
او ان الناس هتحس بمعاناتك
او ان الناس هتسأل عليك وتشيلك وقت ضعفك
فعلا غريب
غريب انك لسة فاكر ان المروءة والشرف #أسلوب_حياة
وان العطاء والمودة في قلب الناس بالفطرة
وان #الانانية و #الجحود ملهمش مكان
خليك واقعي يا عزيزي
اجمد كدة واعرف الآتي
1. مفيش مصدر للامان غير ربنا
2. محدش هيشيلك لما تقع غيره
3. #الجدعنة و #المروءة بقت مشروطة بمصلحة
. بعلاقة. بهدف في اغلب الاحوال
4. طول ما انت كويس هتلاقي حواليك ناس كتير
لكن لو وقعت الفلتر بيصفي ناس اكتر
علشان كدة
اوعي تتعشم غير في ربنا
هو الوحيد اللي عارف وشايف
هو الوحيد اللي مقدر وفاهم
هو الوحيد اللي هيسندك وقت الأزمة
ولما تسأل الكبار عن ايه اكتر حاجة يتمنوها في الحياة
هيقولولك الخلاصة
الستر
والصحة
وعدم الحوجة لحد (عدم احتياج بشر)
في الظروف دي
ناس كتير اتفلترت
وناس كتير بانت
وناس كتير اتفهم هم فعلا يستحقوا وجودك في حياتهم
ولا
#زفة_كدابة