منتدى الفرح المسيحى - 🌲 نصائح للعام الجديد 🌲

🌲 نصائح للعام الجديد 🌲

https://upload.chjoy.com/uploads/167259013798371.jpg

+ اشتري نوته جديده و كل يوم اكتب فيها :
- اهداف صغيره عايز تحققها خلال اليوم
( الاهداف اللي هتحتاج وقت طويل جزئها اللي اهداف صغيره
كل أسبوع او كل يوم حقق منها جزء)
- حاجات حصلت أشكر ربنا عليها
- جانب ترفيهي هتعمله يساعدك علي تحقيق اهدافك
* كل أسبوع هيكون ليك جلسه مع نفسك...
بتقيم الاسبوع اللي فات و بتشوف ايه المشاكل اللي واجهتك فيه؟
و سببها ايه؟ و ازاي تتغلب عليها في الأسبوع الجديد؟
+ فكر في هدف (او مهاره) واحده تقلل الالم او التعب اللي بتتعرض له في حياتك
+ اقرا ٦ كتب خلال السنه كل شهرين خلص كتاب
+ دور في السنه اللي فاتت ايه اكتر حاجه اخدت من وقتك و تركيزك و صحتك بدون فايده حقيقيه..
.. اتخلص منها او حطلها وقت محدود جدا و هتلاقي حياتك شكلها اتغير
+ حط هدف انك تكتسب عاده جديده هتفيدك في حياتك زي مثلا
( الكلام الايجابي - التأمل - ممارسه الرياضه - الاستيقاظ باكرا
- الخدمه
- التحكم في انفعلاتك ....)
+ تدريب : خلي الايه دي قدامك كل يوم و في كل موقف
" يارب ماذا تريد أن افعل"... فكر هو ربنا عايزك تعيش النهارده ازاي؟...
عايزك تفكر و تتصرف ازاي؟ اتعب في انك توصل للاجابه..
. اسأل كتير ناس اختبرت الحياه مع ربنا... اقرا كلمه ربنا عشان تفهمه اكتر؟ كلم ربنا و اطلب منه يجاوبك و يرشدك و علي قد تعبك هتلاقي الاجابه و هتلاقي معاها بركه كبيره في حياتك
+ ابدا السنه الجديده و معاك رفيق يساعدك لان" اثنان خير من واحد " ممكن الرفيق ده يكون صحبك او شريك حياتك اخوك او الخادم بتاعك او صفحة مساندة 😉

🌲كل سنه و انتم بخير و صحة و سعاده🌲