منتدى الفرح المسيحى - ليهديهم في الطريق

https://upload.chjoy.com/uploads/16721366746271.jpg

"وَكَانَ الرَّبُّ يَسِيرُ أَمَامَهُمْ نَهَارًا فِي عَمُودِ سَحَابٍ
لِيَهْدِيَهُمْ فِي الطَّرِيقِ، وَلَيْلاً فِي عَمُودِ نَارٍ لِيُضِيءَ لَهُمْ.
لِكَيْ يَمْشُوا نَهَارًا وَلَيْلاً " . خروج ٢١:١٣

الحقيقة إنه ده واحد من المشاهد القوية اللي بنشوف
فيها مَعية الله بشكل ملموس و متشاف وسط شعبه ☁️🔥
الكتاب يقول إن في النهار كان عمود سحاب
مش بس للإرشاد لكن كمان كان بيضلل عليهم
وسط شمس البرية الحامية 🤯
و كمان يقول إنه بالليل كان عمود نار مش بس للإرشاد
لكن كمان عشان يدفيهم من برد البرية الشديد 🤪

لكن بالنسبالي كانت المفاجأة الأكبر اللي كانت وقت العبور
في بحر سوف لما الكتاب قال : 👇

"فَانْتَقَلَ مَلاَكُ اللهِ السَّائِرُ أَمَامَ عَسْكَرِ إِسْرَائِيلَ وَسَارَ وَرَاءَهُمْ
، وَانْتَقَلَ عَمُودُ السَّحَابِ مِنْ أَمَامِهِمْ وَوَقَفَ وَرَاءَهُم".
خروج ١٩:١٤

وقت العبور الشعب كان عارف طريقه ، عارف هو هيمشي ازاي لكن كان يفضل إنه خايف و مرعوب من جيش فرعون اللي وراه و هنا ملاك الله و عمود السحاب يتنقل في ضهرهم و كأن الله بيقول
" متخافش ، انا هنا بأحمي ضهرك " لإنك هنا إنت عارف هتعمل ايه ؟ 🤗

فيه أوقات مش هأبقى عارف امشي ازاي ؟ وقتها روح الله هيرشدني و يقود ، لكن اوقات تانية انت عارف المطلوب منك و طريقك واضح قدامك و هنا روح الله مش هيسيبك لكن هيكون معاك يقويك و يحمي ضهرك ، تشدد 💪