منتدى الفرح المسيحى - وحشتنى اوى ا

وحشتنى

ايوة وحشتنى
واحشنى كلامى معاك
وحشانى قعدتى وياك

انا بعدت تانى عنك
طب كنت بعدت ليه
وكان ايه اللى بعدنى

هموت واقرب منك تانى
بس حاسه بحاجه منعانى
يمكن تكون خطيتى مسكانى
او ابليس وجنوده مقيدانى

تعبت
عاوزة اجيلك
بس فى مليون سور وسور بيمنعونى
ما هو يتاخدنى ونطير ونعدى كل الاسوار
يا تهد سور ورا سور لحد ما تجيلى وتاخدنى

انا مش عارفه اجيلك تانى
وسط الطريق
سبت ايديك وجريت
وتهت
ومش عارفه انا روحت فين
تايهه من غيرك
وبور عليك
بس انا تعبت ومش لاقياك
يمكن تكون حواليا وفى نفس المكان
بس انا مش شيفاك
يمكن نظرى هو اللى ضعيف
مش عارفه وبقيت خايفه

سايبنى ليه
تعالى
تعالى وانقذنى من نفسى
تعالى فك قيودى وحررنى
اصل فى حاجات كتير مقيدانى
اصل هى مش خطيه ولا اتنين
دول كتير اوى

وحشتنى
وحشتنى اوى اوى
ونفسى ارجعلك تانى
انت قولت ارجعوا أليا ارجع اليكم

بس انا مش عارفه ارجعلك
ارجعلى انت
وساعتها هترمى فى حضنك
تعالى خدنى
علشان انت واحشنى
وحشتنى اوى اوى