منتدى الفرح المسيحى - اوعى تنزعج لو كل اللي حواليك اتبخروا واختفوا وثق ان الله يكفي

https://upload.chjoy.com/uploads/167135136813551.jpg

قم واحمل سريرك وامشي

جملة قالها المسيح مرتين

الاولى للمفلوج

اصحابه بصراحه كانوا رجاله
معرفوش يدخلوا للمسيح بسبب الجموع الكتير
مقالوش لصاحبهم المفلوج اعذرنا
احنا عملنا اللي علينا والدنيا زحمه اهي زي مانت شايف
لا
دول شالوه هيلا بيلا
هو وسريره
وربطوه بحبل
وخرموا السقف ونزلوه منه

اصرار رهيب ، هاتشفى يعني هاتشفى

اما مريض بيت حسدا كان النقيض تماماً
٣٨ سنه مستني حد يزوقه في البِركه
مش محتاج غير زقه
زقه كانت هاتغير حياته
لا معاه اخ ولا صديق ولا اي حد خالص
تخيل ٣٨ سنه !!
عُمر تاني لوحده

والناس رايحه وجايه عليك ، محدش مهتم بيه
الله نظر اليه وقال
قم واحمل سريرك وامش

ربنا عايز يعلمنا لو معاك سند هاتشفى وحتى لو ممعكش
، هو هايكون السند ليك

اوعى تنزعج لو كل اللي حواليك اتبخروا واختفوا
وثق ان الله يكفي ، فوجوده في حياتك كفيل يخليك تقوم من تاني وتحمل سرير فشلك ومرضك وصراعك وهمك وحزنك وتمشي ..