منتدى الفرح المسيحى - سايبين حياتهم وقاعدين يلمعولك في حياتك وياريته عاجب 🤷‍♂️

https://upload.chjoy.com/uploads/167118534982191.jpg

الاسبوع اللي فات عديت على مغسلة سيارات اغسل عربيتي
من بره بس
وكان معايا اسرتي
فكان فيه راجل بيمسح في عربيه موديل حديث
سابها وجه ضرب خرطوم المايه في عربيتي وغسلها ومسحها وحاسبته ومشيت
انهارده اتكرر نفس الموقف ولقيت نفس الراجل بيمسح في نفس العربيه ولما شاف معايا اسرتي لتاني مره جه وضرب فيها خرطوم المايه برضه
وبعد ماخلص لقيت فيه لسه اثار تراب ، فبقوله على فكره انت كروتني المرادي ومعملتهاش بضمير

فضحك وقالي على فكره يا استاذ انا مش شغال في المغسله اصلا ، انا زبون زيي زيك
انا باجي اغسل عربيتي علشان لسه جديده وانا محسوك حبتين وبخاف عليها فبحب اغسلها بنفسي

وكل مره لما بلاقي معاك اسرتك وصاحب المغسله قدامه عربيات كتير باجي امسحهالك محبه مش اكتر علشان ماتوقفش بيهم
وعلى العموم شاور فين الجزء اللي مش عاجبك واعيدلك عليه تاني

اعتذرتله طبعا بعد ماعرفت ان مساعدته كرم منه مش تقصير

وعرفت ان ورا كواليس حياتك هتلاقي فيه ناس كتير
قريبه منك مستعده تفديك بعنيها بس مابتقولش
بتساعد بدون ماتقول وبتقدم بدون ماتعاير
وانت مازلت بتتهمهم بالتقصير والاهمال وعدم المحبه
على الرغم انهم عملوا وقدموا علشانك كتير

ولسه مازالوا مستعدين يقدموا اضعاف اللي اتعمل في صمت وحب
وانت مازلت اعمى ، وبتجرح فيهم بكلامك وبتتهمهم بالتقصير
رغم انهم سايبين حياتهم وقاعدين يلمعولك في حياتك
وياريته عاجب 🤷‍♂️