منتدى الفرح المسيحى

https://upload.chjoy.com/uploads/167048111731651.jpg

ماتسخنش
خد نصيحه مني
ماتسخنش
لما تلاقي موضوع قام وبقي فيه خناق وبوستات
وناس فجاءه تطلع
وتثور
وتقوم ثوره
وتلاقي كله دخل اللي عمل بطل
واللي عمل مناضل
واللي عمل صاحب رساله
واللي عمل انه قلبه مكسور
واللي يقولك كفايا
واللي يقولك لحد امتي نسكت
واللي يقولك احنا معاك احنا في ضهرك
نصيحه بقي (ماتسخنش)
واوعي تشترك في الكلام ده
لاننا في زمن اصلا مافيهوش مبادئ فلما تسخن كده
وتخش وتكتب وتثور فجاءه تلاقي الموضوع انتهي
ويطلع موضوع جديد وباقت الدنيا كده
فاكرين مثلا ( عامل النضافه وكشري التحرير )
كله دخل لا كفايا .قاطعوا كشري التحرير .. وكلام كتير
انهارده ايه الوضع بنقول ياريتنا كلنا كنا اكلنا عامل النضافه ده كشري وخلصنا
احنا في زمن معندوش مبادئ لا للحزن ولا للفرح ولا للثوره ولا للتغير
احنا كل حياتنا زي يقطينه يونان بنت ليله ظهرت وبنت ليله دبلت
فأوعي تسخن لان مافيش حاجه بتتغير
وفي الاخر كله بيتصالح علشان المصالح
وانت اللي في الاخر هاتطلع مش حكيم
ومش صح وكلامك كان غلط
فالقلب لما يتغير الوضع هايتغير
اسخن وثور في تغيير قلبك وبس
صدقني