منتدى الفرح المسيحى - سامع سكاتي / بقلمي

https://upload.chjoy.com/uploads/167017578730811.jpg

كل تنهيده وانا رافعة عنيا ليك انت سامعها
كل نبضه من نبضات قلبي الموجوع انت حاسس بيها
انت عارف اسبابي من غير ما اشتكيلك انت بس داري باوجاعي
من غير ما احكيلك اصل انت بس اللي قارئ افكاري
انت عارف كل حاجه انت شاهد علي الاحداث
اشكيلك ايه ولا ايه اقولك اني بقيت لوحدي بعد ما الكل سابوني
احكيلك عن تعبي ووجعي اللي ماليني مااللي باعوني وتركوني وحيده
ولا اقولك علي معاناتي وانا بصارع مع نفسي
احكيلك ايه ولا ايه يارب
انت اكيد سامع سكاتي عارف صمتي حاسس بيا
كفايه بس يارب نظرة عنيا لسماك
وتنهيده قلبي اللي سابقه كلامي
سامع سكاتي

بقلمي

Walaa Farouk