منتدى الفرح المسيحى - ناس بتغير ملامحنا

https://upload.chjoy.com/uploads/167014277220191.jpg

فيه ناس بتغير ملامحنا
رغم المعاناه
بكلام صعب يعدي علينا
بسبب مَعْناه
وامور تجرحنا وتقتلنا
وحاجات بتلغبط مشاعرنا
او موقف يحصل يقهرنا
صعب بننساه

وفيه ناس تدخل فجأه حياتنا
وبدون تفكير
تتربع وتبرطع فيها
وبشكل حقير
تتنمر حبه على ظروفنا
وتعاير وتزود خوفنا
تتلذذ اوي لما تشوفنا
مشاكلنا كتير

وفيه ناس شاطره بتيجي تداوي
من غير مانقول
متمكنه تقضي على وجعنا
ومليانه قبول
بتْطَوِّل بالها وتسمعنا
ماتقولش الوارد يوجعنا
وبسحر بتمحلنا ألآمنا
ووجعنا يزول

واله مهما بيحصل منهم
مايزعلناش
يسمع صمتنا قبل كلامنا
ومايستناش
بيعوض ويداوي جراحنا
قادر اوي انه يريحنا
من كل اللي بيسرق روحنا
ومابيسبناش ❤️🙏😔