منتدى الفرح المسيحى - هو بيعينك لحد ما يعدي معاك كل ألم بتمر بيه💜

https://upload.chjoy.com/uploads/166996345222751.jpg

في عصر إضطهاد الكنيسة الأولى كان المسيحيين
بيتطردوا من بيوتهم ويسيبوا أماكن راحتهم
و بيتعرضوا لإتهامات صعبة و تعذيب كتير وكلام
وإهانات صعبة لكن كان بيواجهوا ده بكل صبر و تحمل 💪
و كأن بيدور جواهم كلمة بتشجعهم و تقويهم كلمة طوباكم 😇
ايوه طُوبَى لَكُمْ إِذَا عَيَّرُوكُمْ وَطَرَدُوكُمْ
وَقَالُوا عَلَيْكُمْ كُلَّ كَلِمَةٍ شِرِّيرَةٍ، مِنْ أَجْلِي، كَاذِبِينَ. (متى ٥: ١١)

يعني بجد يا بختكم لو اتطردوا و إتقال عليكم كلام شرير و كلام كذب بسبب إنكم مسيحيين بسبب المسيح اللي في حياتكم
لكن إصرارهم و تحملهم بسبب إيمانهم
واحد من أقوى الأسباب اللي خلانا نبقى مسيحيين لحد دلوقتي
و يكونوا سبب فخر للمسيحية و سبب في إن المسيحية تتعرف عن طريقهم

يمكن تكون إتعرضت لكلام تعيير او إتهامات بالكذب علشان إسم المسيح ..
حابب أقولك مع المسيح
اِفْرَحُوا وَتَهَلَّلُوا، لأَنَّ أَجْرَكُمْ عَظِيمٌ فِي السَّمَاوَاتِ،
فَإِنَّهُمْ هكَذَا طَرَدُوا الأَنْبِيَاءَ الَّذِينَ قَبْلَكُمْ. (متى ٥: ١٢)

متقلقش لأن الله بنفسه واقف جنبك
و ساندك هو بيعينك لحد ما يعدي معاك كل ألم بتمر بيه💜