منتدى الفرح المسيحى - صابر يارب ومستني عجايبك

https://upload.chjoy.com/uploads/166996321419481.jpg

مستني ربنا يتدخل ومش شايفه في المشهد؟!
عندك سؤال ومستنيه يجاوبك ومفيش رد؟!

تعالى نفتكر حالة بني إسرائيل لما موسى لسانه اتدلدل لفرعون،
وبرضه مش عايز يخرج الشعب😓
افتكر ان بني إسرائيل كانوا في وسط الألم والرعب والضربات.
. كانوا عايشين جنب المصريين اللي البلاوي اهلكتهم
ده حتى ابكارهم ميتة .. حزن ونكد وعدم فهم للي بيحصل لهم..
لكن يجي الجواب كده "وَقَالَ الرَّبُّ لِمُوسَى:
«لاَ يَسْمَعُ لَكُمَا فِرْعَوْنُ لِكَيْ تَكْثُرَ عَجَائِبِي فِي أَرْضِ مِصْرَ." (الخروج ١١: ٩)
والجزء ده كان إجابة لطلب عندي لسة الرب ماتدخلش فيه..
. عندي فرعون في شغلي.. رمز للشر والظلم..
. وسمعت الله بيقولي مهما كان سلطة فرعون لازم تقضي الوقت ده
، واني متحكم في أمره، ومهما ارتفعت أنف فرعون
هيجي يوم و يخضع لسلطان الله..
لو عندك فرعون بيقاوم مقاصد الله في حياتك...
افتكر أنه الله عايز يوريك عجايب...
. وبدأت أتأمل وأحلم بشعور العبرانيين
وهما محميين لأن "جَمِيعُ بَنِي إِسْرَائِيلَ لاَ يُسَنِّنُ كَلْبٌ لِسَانَهُ إِلَيْهِمْ
، لاَ إِلَى النَّاسِ وَلاَ إِلَى الْبَهَائِمِ. لِكَيْ تَعْلَمُوا أَنَّ الرَّبَّ يُمَيِّزُ بَيْنَ الْمِصْرِيِّينَ وَإِسْرَائِيلَ"
. (الخروج ١١: ٧)

صابر يارب ومستني عجايبك..
منتظر لأنك بتميزني..💜