منتدى الفرح المسيحى - خليك وديع حتى لو مش ده العادي

https://upload.chjoy.com/uploads/166988697188591.jpg

في ثمرة من ثمار الروح القدس قليل اوي لما بنشوفها
في الناس اليومين دول 😅
اسمها الوداعة 😍
يعنى إيه وداعة ؟ 😅
يعني حد متواضع ، حد هادى ، حد مش بيتعصب ،
حد صوته مش عالي
صفات بجد نادر وجودها دلوقتي 😅

ويسوع نفسه قال كده تعلموا مني لأني وديع ومتواضع
القلب فتجدوا راحة لنفوسكم 💜
محتاجين نبص ليسوع ونتعلم منه الوداعة 🤩
وهى في الزمن الصعب ده مش ساهل علينا نبقى ودعاء
لكن يا بختك لو قدرت في وسط يومك وتعاملاتك مع الناس تبقى وديع
تبقي الصوت الهادى وسط العصبية والزعيق والقلق
اللى طول اليوم بنعدى بيه
خليك وديع حتى لو مش ده العادي
وخليك فاكر الاية دى كويس
طُوبَى لِلْوُدَعَاءِ ، لِأَنَّهُمْ يَرِثُونَ ٱلْأَرْضَ 💜