منتدى الفرح المسيحى - لو قفلت هيمشيك كمان على المياه

https://upload.chjoy.com/uploads/166984796475661.jpg

عارف لما تبقى ماشي على رملة ورجلك تغرز ..
. الموضوع بيبقي مرهق أوي 😪
لكن لما بتركز إنك تحط رجلك في آثار رجلين
عدت قدامك على الرمل ... خطواتك بتبقى ثابتة
وسريعة أكتر وحتى مجهودك بيبقى أقل ...
في حياتنا كتير بنمشي طرق صعبة و مرهقة
... كتير بنتردد ونخاف... كتير رجلنا بتبقى مش ثابتة مش بس كده ..
. لكن كمان بييجي وقت وبنقع خالص ....
لكن كنت بأفكر في كم المرات اللي لاقيت فيها سندة وموقعتش ...
كم المرات اللي أخدت خطوات ثابتة وسريعة رغم إني ماشي على رمل مش على أرض ثابتة ...
فى مزمور ٧٣ آية ٢ بيقول "أمّا أنا فكادتْ تزلّ قدماي
. لوْلا قليلٌ لزلقتْ خطواتي"
لكن ربنا اللي فعلاً كان ساند خطواتى 💙💙💙
مش بس كده لكن في عمق مختلف كمان ...
لما بأقرر إنى أصدق فيه هو وأمشي حسب خطته وحسب قلبه
ساعتها اقول مع كاتب المزمور "أَمَّا أَنَا فَالاقْتِرَابُ إِلَى اللهِ حَسَنٌ لِي.
جَعَلْتُ بِالسَّيِّدِ الرَّبِّ مَلْجَإِي، لأُخْبِرَ بِكُلِّ صَنَائِعِكَ" (المزامير ٧٣: ٢٨)
إفتكر إنك مش بس هتعرف تمشي على آثار رجليه على الرمل ..
. ده لو قفلت هيمشيك كمان على المياه 🙏
اتطمن 💙💙💙💙