منتدى الفرح المسيحى - يا بختهم 💙 ويا بخت مين يعاشرهم❤

https://upload.chjoy.com/uploads/166906438702411.jpg

حد سألني إيه أكتر صفة تحبها في الشخص اللي بتتعامل معاه ؟؟؟
الرد من غير ما أفكر كان "اللي قلبهم أبيض"
ولما سكت لحظات أكتشفت انى تعبت جداً في علاقات في حياتى بس علشان قلبهم مش طيب ... بس علشان مش بينسوا الوحش
... بس علشان بيفضلوا تعبانين لحد ما يخدوا بتارهم
.... فلما بألاقي ناس قلبهم صافية بابقى ماسك فيهم وباحسهم كريم مرطب على القلب 😅😅

في يوم من الأيام المسيح قال "طوبى لأنقياء القلب"
يا بخت اللي قلبه نظيف
يا بخت اللي قلبه مليان حب ...
مش بس كده لكن طول الوقت ينفع أصلي
وأطلب ده "قلباً نقياً أخلق فيَّ يا الله" ...
ليه بقى يا بختهم !! مش بس علشان هما مكان راحة لقلوب ناس كتير
لكن يكمل الآية "لأنهم يعاينون الله" 😍😍
يشوفوا الله يعنى قلوبهم قادرة تشوف
وتحس جمال الله في كل خطوة ...
عارفين في قلب العالم الصعب يشوفوا الله ....

يا بختهم 💙 ويا بخت مين يعاشرهم❤

#يا_بختك_لو