منتدى الفرح المسيحى - انت ماتعرفش ربنا بيدبرلك امورك ازاي

القلق اللي انت فيه دلوقتي ، سببه انك باصص للموضوع من نظرتك انت
ولكن هو عند ربنا حاجة تانية خالص ، انت ماتعرفش ربنا بيدبرلك امورك ازاي ، ماتعرفش ربنا عاينلك فرح قد ايه ،
يمكن سبب زعلك وحزنك علي المشكلة اللي بتمر بيها تبقي سبب سعادتك بعدين ،
انت متعرفش ربنا محضرلك سعادة قد ايه ثق ان ليك رب رحوم أوي
ومهما قصرت أو ماتستاهلش مستحيل يسيبك ف ظروفك الصعبه اللي بتمر بيها ،
ربنا مش هايسيبك ولا هايخذلك ابدأ .

انا عارف كويس .. انك تعبان اوي الفترة دي وانك مش كويس وعايش في متاهه ،
بس انت لازم تفهم إن ربنا مش ضدك مش ضد سعادتك كل حاجه بتحصل معاك دلوقتي ربنا ليه حكمة فيها ،
اوعي تفتكر ان ربنا ناسيك لا خالص ، ‏ربنا عالم بتعبك ، عالم بصعوبه حياتك ،
عالم ان طاقتك خلاص شبه خلصت ، لكن خليك عارف ان برغم كل ده ،
ربنا مستحيل يسيبك فى موقف صعب عليك ، وقريب هاتعرف الحكمة في اللي انت مريت بيه وصبرت عليه ،
وماتخفش مش هايضيعك ولا هايسيبك ، وهايعوض قلبك بعوض عظيم عمرك ما كنت تتخيله ،
وهايفتحلك بيبان عوض ملهاش اخر هانت أوي ف ياريت ماتزعلش وتسلمها لربنا