منتدى الفرح المسيحى - البابا كيرلس جاب الترقيه لجوزى

البابا كيرلس جاب الترقيه لجوزى
🙏🙏🙏🙏🙏🙏🙏🙏🙏

https://upload.chjoy.com/uploads/166781504907091.jpg

انا جوزى شغال فى شركه حكوميه بالثانويه العامه مع انه معاه بكالوريوس بس دى كانت متطلبات الوظيفه وقتها وهو قبل بيها احنا اتجوزنا وهو فى الوظيفه دى
وكان عنده امل انه يسوى وضعه الوظيفى بالبكالوريوس
بس الشركه ماشيه بالواسطة والمحسوبيه واحنا لينا ربنا
المهم حضر ماجستير وجاب جيدا جدا
وحاول يسوى وضعه الوظيفى
الشركه عملت مسابقه لشغل وظايف حلوة جدا فى الشركه هاتبقى نقله كبيرة اوى
المهم قدم جوزى فى المسابقه واجتهد وذاكر ودخل وفعلا اللجنه اللى بتمتحنه كانت مبسوطه منه جدااا
قرب اعلان النتيجه قلت له تعالى نروح للبابا كيرلس ناخد بركته وهو هايتصرف
قبل مانسافر بكام يوم
جوزى حلم انه فى طابور طويل ناس كتير واقفه قدام مكتب البابا كيرلس قاعد عليه وعمال ياخد طلباتهم وعلشان الطابور طويل اول ما جوزى وصل البابا قام ومشى وجوزى قاعد ينادي عليه ويقول للشماس بتاعه طب مش كان يسمع طلبتى والشماس يقوله معلش البابا تعب تعالى يوم تانى بس جوزى مرضاش يمشى ويسيب المكتب شويه ولقى البابا راجع وواقف بشعره مكشوف زى الصورة بتاعه البابا اللى فيها واقف بشعره واداله كرسى جميل بس ماقالوش حاجه
جوزى صحا وحكا لى ع الحلم وقالى تفتكرى هايحصل
المهم سافرنا وصلينا عند البابا واحنا راجعين فى الطريق جالنا تليفون من مدير احد الادارات بالشركه كان يعرفنا
قاله مبروووووك
وبشرنا انه اسم جوزى ضمن القليلين اللى اختاروهم للوظيفة دى
عظيم اسم الله وممجد فى قديسيه
لو حكيت لكم عن المعجزات بتاعه البابا معايا هاعمل كتب لوحدى