منتدى الفرح المسيحى - احميني.. نجيني.. اضمني عند نفسك💜

https://upload.chjoy.com/uploads/166750936556881.jpg

اخص عليكي يا ترابيزة، خبطتي فلان🥹
جملة اهالينا حايلونا بيها في كل مرة ماركزناش واحنا ماشيين، وكأن الترابيزة هي السبب 😐
لكن الحقيقة إن ساعات بالاقي نفسي عامل فيها ضرير وداخل في الترابيزة...طااااخ😵‍💫 واعيط واخرب الدنيا..

محتاج أعترف إني ضعيف.. لازم أقول إني مش ضامن نفسي اوي الصراحة 😅
باكتشف اني في مواقف صعبة اوي اوي ولسة باقول "انا جدع"😂
بامشي في طرق مش بتاعتي أو باتحط فيها غصب عني لكن الحقيقة اني محتاج حمايتك لأني أضعف من التجربة..
واثق فيك لأنك نجاتي وحمايتي من ابليس ومكايده..
ماسك فيك لأنك خلاصي ومنقذي من نفسي وخباياها..
مطمن لأنك أنت اللي ضامنني يوم الشر والتجربة..

احميني.. نجيني.. اضمني عند نفسك💜