منتدى الفرح المسيحى - فأترك قربانك

https://upload.chjoy.com/uploads/166643141619871.jpg

في موضوع الغفران فيه طرفين
طرف مطالب منه أنه يغفر للناس اللي اساءت اليه
لكن فيه طرف تانى وهو الشخص اللي كان السبب في الإساءة
وده اللي كلام البوست موجه ليه

إعتذارك للشخص اللى وجعته وضايقته مهم
ومينفعش تبرر لنفسك الإساءة
واكتر حاجة متنفعش هو انك تكون مهتم بحياتك الروحية
وكمان ممكن تكون بتخدم وتكون واجع وجارح حد
مينفعش إنك تكون قادر توعظ وتعلم وترنم واخوك متضايق منك
مينفعش إنك تكون عارف انت غلطت في إيه وتعمل مش واخد بالك وتكمل في اللي انت بتعمله
كلام الكتاب واضح جدا وبيقول
فَٱتْرُكْ هُنَاكَ قُرْبَانَكَ قُدَّامَ ٱلْمَذْبَحِ، وَٱذْهَبْ أَوَّلًا ٱصْطَلِحْ مَعَ أَخِيكَ ، وَحِينَئِذٍ تَعَالَ وَقَدِّمْ قُرْبَانَكَ.
انت متخيل قد إيه مصالحتك لأخوك عند ربنا أهم من إنك تقدم قربانك

النهارده بنشجعك إنك تقرر تاخد بخاطر اخوك اللى انت مضايقه
حتى لو عندك ١٠٠ مبرر