منتدى الفرح المسيحى - مبيبقاش إسمه حب

https://upload.chjoy.com/uploads/166620975729811.jpg

مبيبقاش إسمه حب اللي بيتبني علي مقابلات
وإحنا متشيكين وبرفانتنا جايبه من أخر الدنيا
ولابسين اللي ع الحبل ..
مينفعش يتبني علي خروجات بيتصرف فيها قد كدا
ولا المكالمات اللي بنحط كل ال Fake اللي جوانا فيها ..

بيبقي إسمه حب بس لما يطلع من حد شافك
وإنت عيان ، مبهدل ، لسه مخلص شغل ، مجهد ، مطبق ، مفلس ..
اللي شافك وإنت مطفي ودبلان ومنعكش ..
واللي شافك وإنت بتضحك بعفويه او بتتصرف بطفوله ..

وفضل يحبك ..

المواقف المنمقه المهذبه المصطنعه المُعد لها ..
بينتج عنها مشاعر تشبهها تمام ..
الحب العفوي الناتج عن كفاح مشترك ورضا وقبول ، بينتج عنه مشاعر قادره تتحمل عثرات الحياه كلها ومترجعش ولا
خطوه ..