منتدى الفرح المسيحى - هنتعلم ونعلم ولادنا أن خبزنا كفافنا💜.

https://upload.chjoy.com/uploads/166556620497541.jpg

بنشوف نموذج عايش وسطنا ماشي في حاله وراضي
،يمكن نقول عليه متواضع أو يمكن واعي لأموره المادية...
لكن لو ركزنا شوية هنلاقيه الشخص البسيط😍..
الشخص اللي عايش بدون تكلُّف وفي نفس الوقت
مش مبهدل في نفسه...
الشخص اللي شايف حال الناس فمش بيتكلم عن قدراته
أو ممتلكاته أو مواهبه أو مهاراته الفذة ...
الشخص اللي يقدر يشتري الحاجة، لكن محكِّم عقله هل ده احتياج حقيقي ولا لأ..
الشخص اللي شايف إبهار الحياة اللي عارضاها عليه السوشيال ميديا،
لكن هو مقرر يعيش حياته بطريقته وعلى قده☺️...

النهاردة عايزين نقول إن زي ما أعباء الوضع الاقتصادى
بتعلى احنا كمان هنعلي صوت البساطة في أيامنا..

بنشجعك تعيش معانا تحدي البساطة..
👈🏻هنلبس هدوم بسيطة، طبعا حلوة وشيك
بس مش هيفرق معانا براند أو لأ...
👈🏻هيكون عندنا طموح نعيش أفضل بس بحكمة وبدون بهرجة..
👈🏻هنشوف الأغنى والأعلى مننا لكن مقررين أن عينينا بسيطة..
👈🏻هنحس بغيرنا والمليان يصب عالفاضي..
👈🏻هنفهم إن اصلا احنا كوبايتنا مليانة ببركة ربنا وخيره..

👈🏻هنتعلم ونعلم ولادنا أن خبزنا كفافنا💜...