منتدى الفرح المسيحى - ماتقلقش من بكرة

https://upload.chjoy.com/uploads/166556533517061.jpg

أحنا بنخاف أوي من بكرة.. أوي يعني😅
ده داء فينا من بدء الخليقة علشان كده
كان فيه وصية من الوصايا العشرة اسمها "قدس يوم السبت" عشان الإنسان يتعلم ياخد أجازة وميعولش هم اللي وراه من أكل وشرب.
والسيد المسيح في تعاليمه قال كتير ما نهتمش
و ما نشيلش هم بكرة 🤷🏻‍♂️
مش باقولكم مرض في طبيعة الإنسان
ده إحنا حتى كل يوم في صلواتنا بنقول كده
"خُبْزَنَا كَفَافَنَا أَعْطِنَا ٱلْيَوْمَ."
الترجمات العربي للجملة دي من الصلاة الربانية جميلة
وبتقول اللي جاي

من فضلك اقراهم ورا بعض كده

اُرْزُقْنَا الْيَوْمَ مَا يَكْفِينَا مِنْ خُبْزٍ
وارزُقنا قُوتَ يومِنا،
أعطِنا خُبزَنا اليَوميّ،
أعْطِنَا اليَوْمَ خُبْزَنَا كَفَافَ يَوْمِنَا،
أُرْزُقْنا اليومَ خُبْزَ يَومِنا،

يعني بالعامي وعلى بلاطة كده: "اكل النهارده ادينا وبس على كده"
وبالرغم من كل ده بنخاف من بكرة 😏

صديقي ماتقلقش من بكرة
ماتخفش
عارف ليه ؟
عشان هو شايل بكرة 💜
هو شايف بكرة 💜
هو هيدبر بكرة💜