منتدى الفرح المسيحى

محبوبتي

نسمه رقيقه في عز الصيف

حب في قلبي دمه خفيف

رقيقه خجوله أجمل طيف

مش بأديه يا عالم حبه

ولا بأديه أسأل كيف

محبوبتي

عصفوره بين ألأغصان

تتمايل علي غصن ريحان

لو شوفتو جمالها ألفتان

مش ريشه رسمها الفنان

دي هديه صنع الرحمن

محبوبتي

الرقه ولا ليها مثيل

وعنيده وألحب دليل

دلوعه والطبع جميل

وطموحه مشوارها طويل

لو مره للقلب تميل

أسهرلك يا حبيبتي ألليل

محبوبتي

يا شفايف تحكي وتخبي

بدعيلك أحرسها يا ربي

واعطيها علي قد ضميرها

أتمنالك تبقي سعيده

وادعيلك يا أعز حبيبه

ياللي ساكنتي لوحدك قلبي

محبوبتي

مش قادر أوصف احساسي

ولا حبي وسبب اخلاصي

حبيت فيكي العقل الراسي

والحنيه في زمان قاسي

وانا قبلك مريت بمآسي

محبوبتي

يا هديه وزماني عنيد

ومعاكي احساسي سعيد

ح نكمل والايد في الايد

كنت زمان تايه ووحيد

وانا يا حياتي يوم ما عرفتك

كان يا حبيبتي أجمل عيد

محبوبتي