منتدى الفرح المسيحى - مشيئتي لخيرك ولفرحة قلبك

https://upload.chjoy.com/uploads/166521630317811.jpg

- يارب .. لتكن مشيئتك في حياتي
= مهما كانت؟
- انا عاوز مشيئتك ..
وفي نفس الوقت انا عاوز الحاجة اللي قلتلك عليها قبل كده
= مينفعش اديهالك
- ليه؟
= علشان مش لخيرك .. تبقى مش مشيئتي
- بس ديه هتخلي حياتي احلى!!
= متهيألك
- بس انا متأكد انها هتفرحني .. هو لازم مشيئتك تبقى وجع؟
= دي كدبة قالوها عني
- طب ليه مشيئتك ماتفرحنيش؟
= هتفرحك
- ازاي هتفرحني من غير ماتديني "اللي انا عاوزه"؟
= دي طريقتي انا بقى .. الفرح اللي انت عشمان فيه
، مختلف خالص عن الفرح اللي هتكتشفه في سكتك معايا
- سكتي معاك؟! .. وليه ماتحطش "اللي انا عاوزه" في السكة ديه؟
= "اللي انت عاوزه" يمكن يفرحك بمفهومك في لقطة محددة
.. لكن فرحي ابعاده مختلفة طول سكتك
- هو ليه لازم تكون "سكة"؟
= انت مصمم تطلب مشيئتي في موقف ..
وانا عاوز احقق مشيئتي في حياتك كلها
- بس انا خايف؟
= مشيئتي صالحة ... وكاملة ... ومرضية
- وهاقدر اعيشها؟!
= لما تتغير .. او الأدق لما تبدأ سكة تغيير حقيقي
- والبداية؟
= لما تخضع .. لما ماتتمسكش بحاجة وانت بتقولي لتكن مشيئتك
- لكن ..
= لما تصدق فيا .. إن مشيئتي لخيرك ولفرحة قلبك