منتدى الفرح المسيحى - يأتي إلينا كالمطر

https://upload.chjoy.com/uploads/166521267879671.jpg

فى وقت كنت بأصلى علشان حاجة وماحصلتش
... أيام وشهور ووصلت لسنين وبرضو محصلتش 🤷‍♀️
فيه أيام تعبت وزعلت وغالبا اتقمصت من ربنا ووقفت صلاة ...
وكان الصوت جوايا متيأسيش أنا بأديكى وعد ان الصلاة هتستجاب
اتحمست وفرحت وحسيت بسلام😍
بس رجعت زهقت ... وصليت تانى وبكيت وانفجرت "إنت اللى وعدتنى ليه كل التأخير ده 😔😪"
ايمانى اتهز وشكيت إنه كان صوت ربنا ليا اصلاً ....
رجع الله طمنّى وإدانى سلام"رغم عدم إستجابة الصلاة"
وفي يوم نورت فى عينى ايه "لِنَعْرِفْ فَلْنَتَتَبَّعْ لِنَعْرِفَ الرَّبَّ
. خُرُوجُهُ يَقِينٌ كَالْفَجْرِ. يَأْتِي إِلَيْنَا كَالْمَطَرِ. كَمَطَرٍ مُتَأَخِّرٍ يَسْقِي الأَرْضَ."
فى هوشع ٦ وعدد ٣ ...
أنا عمرى ما لمست الشمس ولا عمرى ماشوفت الأرض
بتلف حوالين نفسها "وعمر ما ده هيحصل😅"
بس عمرى ما شكيت ان بكره فيه شمس جديدة وليل جديد ....
مش بأشوف الشمس بس متأكدة إنها هتطلع ....
الصلاة لسه ماتححقتش ... بس كل يوم الله بيأكدلى إنه معايا
و سامعني كل يوم بيعلمني أصدق فيه هو مش بكلام .... 💙🙏
هو أكيد هيحقق وعده زي فجر كل يوم ...
وحتى لو اتأخر "كمطر متأخر يسقي الأرض"
متأكدة انى هأشوفه بشكل مختلف 😍😍