منتدى الفرح المسيحى - قدم انهاردة لربنا قلبك وحياتك ومستقبلك

https://upload.chjoy.com/uploads/166495696858261.jpg

كتير من المنتجات المتاحة دلوقتى بنلاقى حاجه اسمها QR Code
ولما ندخل على البرنامج اللى من خلاله نقدر نشوف اية
اللى موجود فى الاعلان دة
فى البداية ممكن ننبهر بالاعلان دة ونشوف انه حاجة جميلة اوى
ولكن ممكن بعد لما ادخل الاقى ان الاعلان دة مش حلو اوى او مش عجبنى اوى

كتير فى حاجات فى حياتها بتبقى شبهه QR code
بيبقى شكلها فى الاول مبهر اوى
لكن بعد لما بدخل الحاجه بكتشف ان انا مكنتش عاوز دة
بالضبط هى دة حالتنا

كتير بيبقى شكلنا من برة جميل والناس تشوفنا
تقول يااه الناس دة بتعمل حاجات حلوة اوى
ويمكن يكون شكلنا بنقدم عبادة لربنا بس قلبنا من جوة
مش معاه خالص ..

الرب يسوع كان بيتكلم مع الكتبة والفريسيين
بيقولهم ان انتو شبهه القبور شكلها حلو من برة
والناس بتقعد تبيضها لكن من جوه هى قبور ...

بالضبط هى دة حالتنا واحنا بعيد عن ربنا بيكون شكلنا جميل بنقدم التدين الظاهرى
فبنقدم صوم وصلاة وعبادة ظاهرية لكن قلبنا بعيد جدا عنه ..

المسيح انهاردة بيقدملك دعوة بينادى عليك ويقولك " اعطنى قلبك ولتلاحظ عيناك طرقى "
بيقولك يا ابنى تعال ادينى قلبك كله متدنيش مظاهر او العبادة الظاهرية لكن تعال ادينى قلبك كله ..
قدم انهاردة لربنا قلبك وحياتك ومستقبلك
والمسيح فعلا يغير حياتك بس انت تعال له ✨❤