منتدى الفرح المسيحى - انتظارك ليه مش تضييع وقت

https://upload.chjoy.com/uploads/166473915978681.jpg

احياناً .. رغم صلواتك اللي مابتُقفش،
تلاقي كل السكك واقفة فى وشك من غير اسباب ✨
وتلاقي نفسك في اخر الصف من غير تفسير ولا حتى مهرب.

احياناً تلاقي أمانتك معاه جزاءها تأخير في الواقع ..
وخضوعك ليه يطلّع فشل في جوانب تانية من حياتك.
بس برغم كل ده وفي وسط صرختك ليه " الى متى؟! "

تلاقيه... من غير تفسير وشرح بيغمُرك بحضوره
ودي ( للي داقُه بجد ) بتبقى زي السماء على الارض.
ييجي يزورك في الخفاء ويطبطب على روحك المُنحنية ..
تلاقيه بابتسامته يطمنك أنه لسا معاك وكأنه بيقولك
"ماتخفش، ده مش عقاب .. ده تدريب لروحك.. "
فا تكتشف وقتها ان حضورُه في حياتك أغلى من اي انجاز بتعمله..
وان انتظارك ليه مش تضييع وقت لكن فعلاً وقت عمل للرب ✨😍