منتدى الفرح المسيحى - ياعالم ياهووووو حد يديني زقه

https://upload.chjoy.com/uploads/166461885944851.jpg

مريض بيت حسدا
قعد ٣٨ سنه مستني حد يزوقه في البِركه
كان الملاك بيجي يهز المايه ،
واول شخص مريض بينزل فيها كان بيتم شفائه مهما كان مرضه

مريض بيت حسدا كان مشلول ومابيتحركش من مكانه
عايز حد يزوقه ويرميه جوه المايه

مش محتاج غير زقه
زقه كانت هاتغير حياته
تخيل ٣٨ سنه !!
عُمر تاني لوحده

والناس رايحه وجايه عليه ، محدش مهتم بيه
زقه ياخلق ، زقه ياعالم هاتحييني
وتخليني امشي على رجلي من جديد
لكن للاسف لا حياة لمن تنادي

الى ان نظر له الله بنفسه وقاله
قم واحمل سريرك وامشي

الزقه اللي ماتجيش من الناس اعرف انها هاتيجي من ربنا
زقه هاتغير حياتك
زقه هاتخليك تكسر سرير المرض واليأس والفشل
زقه هاتحييك من جديد
زقه هاتساويك مع كل اللي شافوك اقل منهم
ويمكن تميزك عنهم كمان

ربنا قادر لو كل الناس بتعدي من جنبك
ومهملاك رغم احتياجك ليهم
هايجيلك من تاني لحد عندك ، ويزوقك بنفسه ❤️