منتدى الفرح المسيحى - اختاري حروبك وكفايه قصف جبهه

https://upload.chjoy.com/uploads/166430710294481.jpg

وإحنا بنتناقش مع أي حد فجأة الموقف يتصعد
وتخرجي من النقاش تقولي لنفسك إيه اللي وصل الحوار لكدة؟
ده أنا كان قصدي العكس تماما؟
أوقات تانية لأن جوانا خبرات سابقة نلاقي نفسنا
بنلطش في اللي قدامنا وبالتالي تتفتح جبهات جدال مكانش قصدنا نفتحها
النهاردة بنقول إختاري حروبك صح
هي كمان الحرب إختيارات؟ أيوة طبعًا
مثلًا حد يعاتبك في التليفون:
إيه يا فلانة لو إحنا متصلناش إنتي مش هتتصلي؟
تقومي تقوليله: إنت الكبير اللي دايمًا سبّاق...
ده ممكن يكون رد يمتص خناقة هتحصل في المكالمة...
مثال تاني:
أنا تعبت من الغسيل..
الرد: يعني هو إنتي بتغسلي على إيدك؟ ... دي بداية حرب
ممكن يكود الرد: ربنا يقويكي ويعينك واحدة واحدة وكله هيخلص،
لو أعرف أعمل حاجة قوليلي وأنا عينيا ليكي
كفاية ردود قصف الجبهة أرجوكوا...
بتخسرنا كتير وبتفتح جبهات حرب إحنا في غنى عنها