منتدى الفرح المسيحى - كلمه اخطيت سامحني قيدت الشيطان 🌹

https://upload.chjoy.com/uploads/166413332361431.jpg

كلمه اخطيت سامحني قيدت الشيطان 🌹
تروي امنا الغاليه تماف ايريني قصه حدثت مع امنا عزيزه في بدايه تنفيذ تماف ايريني نظام الشركه الباخوميه
تقول تماف : امنا عزيزه راهبه فاضله من الراهبات الكبار مشهود لها بالقداسه والتقوي..
ورغم تقدم سنها إلا أنها كانت مثالا في الطاعه باتضاع شديد والالتزام من البدايه
بكل قوانين الدير والنظام الجديد ، فكانت تلتزم بمواعيد الصلاه والمائده .
. وفي مره وهي نازله التسبحه شافت الشيطان مربوط في "النبقه "
ومكسح وشكله صعب خالص ، فهي لسه هترشم الصليب عليه قالها :
استني عندي أمر باني ابعت لكم رساله :
عارفه مين الي عامل في كده ؟
قالت له : مين يا مخزي
قالها : كلمه اخطيت سامحيني الي بتقولوها لبعض هي الي مكسحاني ومربطاني
، انا اقعد احبك في القصه تمام بحيث تزعلوا من بعض وفي الاخر الاقي كل واحده فيكم
تعمل ميطانيه للتانيه وتقولها أخطيت سامحني ... والسماح ده الي بتاخدوه قبل الصلاه "
أخطيت سامحنيي هو الي عامل في كده ..
وبعدين بقي دخان واختفي حكت لي امنا عزيزه الحكايه دي بنفسها ،
فطلبت منها تحكيها لكل مجمع الدير للتعزيه والفائدة ، وكانت باستمرار تحكيها .
. الحقيقه كانت امنا عزيزه راهبه بركه وكنت احب اخد مشورتها وبركه صلواتها ..
كتاب آفاق مجيده في الحياه الرهبانية تماف ايريني