منتدى الفرح المسيحى - ازاي تحقق ذاتك

https://upload.chjoy.com/uploads/166397053054271.jpg

من ضمن إحتياجات الإنسان الأساسية..
هي الحاجة لتحقيق الذات 👌
وتحقيق الذات زيه زي تسديد الإحتياجات الأساسية
اللي بتساعد على البقاء زي الاكل والشرب.
وتحقيق الذات يبدأ بمعرفة نفسك وإمكانياتك،
وايه اللي انت مميز فيه وينفع تعمله وتبدع فيه،
وبدء علماء النفس يقولوا إن تحقيق الذات
يبتدي لما تخرج بره ذاتك وتخدم الآخرين.
واكتشفوا أن الإنسان لما بيخرج بره ذاته ويقدم
منفعة للناس اللي حواليه بيحس بسعادة وبيحس
إنه نجح في الحياة وأن حياته ماضاعتش هباء.
ستيفن كوفي في كتابه "إدارة الأولويات" بيقول:
لقد طور Abraham Maslow هرم الحاجات،
واضعًا الحاجة إلى تحقيق الذات في أعلى الهرم.
ولكن في نهاية حياته قام بمراجعة هذا الهرم
الذي وضعه في ضوء نظرية أولية،
واعترف بأن هذه الحاجة ليست الحاجة إلى تحقيق الذات
ولكنها الحاجة إلى تجاوز الذات
أو هي الحاجة إلى العيش من أجل هدف أعلى من ذاتك.

خد بالك أن كل حاجه بتعملها من مساعدة للآخر
هي مهمة سواء كانت تشجيع أو مساندة أو خدمة عملية.
وهنا اسال نفسك إيه اللي ممكن تقدمه للآخرين
من امكانياتك ومواهبك؟
لازم تفهم ان تحقيق الذات مش بس إنك تشتغل
اللي نفسك فيه وتجمع فلوس لكن أنك
تبقى ليك منفعة وتأثير في المجتمع. 😍