منتدى الفرح المسيحى - ماضيك مش هايقدر يهزمك

https://upload.chjoy.com/uploads/166333203646781.jpg

لو كان زكا عايش في عصرنا ده!
لو كان عايش معانا في وقتنا ده واتغير وبقى إنسان جديد ورجّع الحق لأصحابه، مكنش بسهولة حد يصدق اللي حصل، كان فيه ناس هاتقول ده مجرد شو علشان يكسب محبة الناس ويبقي ترند الموسم🤔
وناس تاني هاتقول ضميره صحي شوية وهينام تاني، وفيه اللي هايستغرب حد يلاقي الفلوس ويستغني عنها؟!!
وناس تاني هاتقول إنه فعلاً اتغير✌️
ومع اختلاف الآراء والتوقعات
مع الوقت حقيقته كانت هاتبان هو اتغير فعلاً ولا مجرد شو!!!
ببساطة محدش كان هايسيبه في حاله بأي شكل من الأشكال.
.. بس طالما اتغير بجد وبقى إنسان جديد كان هايشهد ليه سلوكه وتصرفاته مش مجرد كلام وخلاص أو فعل حلو في لحظة وانتهى 🤷 وقلبه كان هيكون متقوي بالرب 💪
ومايهموش الناس بتقول عليه إيه لأنه عايش التغيير ومصدقه🤝
صدق أن الرب يقدر يغير
وصدق إنك لما تتقوى بيه،
ماضيك مش هايقدر يهزمك مهما قالوا الناس أو عملوا👌