منتدى الفرح المسيحى - سيبك من أي حاجة تانية هتخليك دايما عطشان

https://upload.chjoy.com/uploads/166332054836181.jpg

مراحل الحياة مختلفة..
بس كلها شقى..😥
من و أنت طفل..مضايق إن بابا مجبلكش الهدية...
كبرت شوية.. دخلت المدرسة عندك هم الواجب و الامتحانات.
طب لما تدخل الكلية يمكن تستريح.. ابسلوتلي😂
طب يمكن لما تشتغل شغلانة حلوة؟؟؟برضه لا ..
طب لما تترقى بقى...برضه نوو.
يبقى أكيد لما هتخطب...
طب لما تتجوز..
يبقى أكيد لما تخلف..
طب لما الواد يدخل المدرسة...
يمكن لما يتخرج....
أقولك يمكن لما تجوزه وترتاح منه....لأ برضه..

اللي اكتشفته السنين اللي فاتت.. إن فعلا الحياة مفيهاش راحة..والكل قبض الريح...
في جزء جميل من ترنيمة بيقول..
وكلما حفرت بئرًا بحثًا عن ارتواء وجدتها آبارًا مشققة لا تعطي ماء... وفي (ارميا ٢: ١٣ ) بيقول "لِأَنَّ شَعْبِي عَمِلَ شَرَّيْنِ: تَرَكُونِي أَنَا يَنْبُوعَ ٱلْمِيَاهِ ٱلْحَيَّةِ، لِيَنْقُرُوا لِأَنْفُسِهِمْ أَبْآرًا، أَبْآرًا مُشَقَّقَةً لَا تَضْبُطُ مَاءً."😔

أشجعك يا صديقي تشرب من الينبوع الحي
وتسيبك من أي حاجة تانية هتخليك دايما عطشان...
عنده ماء الحياة