منتدى الفرح المسيحى

https://upload.chjoy.com/uploads/166332012187131.jpg

طبعا أنا قريت "اشعياء ٦ " أكتر من مرة قبل كدة دة غير إنه أتعمل منه ترانيم و تسابيح كتير أوي بنرنمها دايما في كنايسنا و متعودين عليها🤷
المهم خلصنا و ابتدينا نصلي و صوت جوايّ بيهمس
"فَاهْتَزَّتْ أَسَاسَاتُ الْعَتَبِ مِنْ صَوْتِ الصَّارِخِ "
.."فَاهْتَزَّتْ أَسَاسَاتُ الْعَتَبِ مِنْ صَوْتِ الصَّارِخِ "....

الآية فعلا عمالة تترد جوايّ مش عارفة أوقفها
وكأني سمعاها في وداني،
و بعدين فضلت أفكر إيه اللي أنت عايزه يارب؟🤔

تخيل معايّ، أوقات كتير مش بتبقي قادر تبعد عن خطية معينة ربطاك ومقيداك ، أوقات يبقي الحزن و الاكتئاب ملاحقينك فين ما تروح، أوقات يبقي نفسك تعمل الصح و مش قادر و مش عارف لأنه الشر دايما حاضر قدامك، بس تعالي اسمعني كدة:
في كل مرة تصرخ فيها "قُدُّوسٌ، قُدُّوسٌ، قُدُّوسٌ رَبُّ الْجُنُودِ"🙏
"هتهتز" أساسات العتب في حياتك.. تهتز و تنفك و تذوب كل "أبواب" متعطلة او مسدودة في حياتك، كل حاجة أنت حاسس إنه متثبتة في حياتك النهاردة وملهاش حل في اسمه القدوس "تهتز أساساتها" 🙏

النهاردة أعلن قداسته فيك وقداسة اسمه،
فتنفك وتدوب كل قيود، وتتهز كل زيف
وكل أساسات باطلة في حياتك 🙏