منتدى الفرح المسيحى - ولادي أهم من درجاتهم 👌

https://upload.chjoy.com/uploads/166305218390781.jpg

أكيد معظمنا عارف المثل اللي بيقول "أدعي على ابني
وأكره اللي يقول أمين"
طب ليه أصلًا تدعي عليه؟! 🙉
إحنا عارفين إن وقت المدارس والمذاكرة وقت صعب عليكي
ما بين بيت وشغل وطلبات أكل وشرب ومجاملات
وإجتماعيات وكمان الدراسة والمذاكرة. 🥺
بس خلينا نتفق إن ولادك أهم من درجاتهم
وأولى إبتدائي مش هي اللي هتدخله كلية الطب 🙄
بالعكس كمان ده كل ما يكون طفل سعيد ومبسوط
وسوي وعايش حياته طبيعية هيكون أدائه الدراسي أعلى
وأحسن عشان عارف إنه محبوب ومفيش حاجة
هيعملها هتزود أو تنقص حبكم له 💙
إكتبي الجملة دي وإلزقيها على التلاجة أو في أي مكان عينك بتشوفه طول الوقت أو إطبعي صورة البوست وحطيها قدام عينيكي:
"ولادي أهم من درجاتهم" 👌