منتدى الفرح المسيحى - ايه افضل حياة

https://upload.chjoy.com/uploads/166275845975771.jpg

كتير مننا لما بنفكر ياترى عايزين ايه في الدنيا دي،
بيبقى تفكيرنا نعيش أفضل حياة..
طيب ايه هي أفضل حياة ممكن نعيشها؟
اشتغل شغلانة كويسة واكبر وابقى غني؟
ده طموح حلو بس مش هو أساس الحياة..
والكتاب المقدس بيحكيلنا عن سليمان الحكيم
قد ايه كان حكيم جدا لدرجة الناس كانت بتجيله من بعيد
تسمع حكمته (كان ناجح في شغله)
كمان سليمان عمل ثورة وغنى مفيش حد حققها في الملوك
لدرجة انه كان حيطان البيت فيها ذهب وفضة (كان غني جداً)
بعد كل ده سليمان قال
"ثُمَّ الْتَفَتُّ أَنَا إِلَى كُلِّ أَعْمَالِي الَّتِي عَمِلَتْهَا يَدَايَ،
وَإِلَى التَّعَبِ الَّذِي تَعِبْتُهُ فِي عَمَلِهِ، فَإِذَا الْكُلُّ بَاطِلٌ
وَقَبْضُ الرِّيحِ، وَلاَ مَنْفَعَةَ تَحْتَ الشَّمْسِ." (جا2: 11)
سليمان بنجاحه وغناه شاف كله باطل
طيب بلا شغل كويس بلا غنى أهم حاجة الصحة
(الحقيقية دي معلومة صح)
"أَنَّ: «كُلَّ جَسَدٍ كَعُشْبٍ، وَكُلَّ مَجْدِ إِنْسَانٍ كَزَهْرِ عُشْبٍ.
الْعُشْبُ يَبِسَ وَزَهْرُهُ سَقَطَ،" (1بط1: 24)
الحقيقة مهما عشت هتيجي يوم وتدبل زي الزهر
والصحة مصيرها هتقل والعمر يخلص..
طيب فين الحياة الأفضل ؟؟
الحياة الافضل هي في المسيح "
وَأَمَّا أَنَا فَقَدْ أَتَيْتُ لِتَكُونَ لَهُمْ حَيَاةٌ وَلِيَكُونَ لَهُمْ أَفْضَلُ." (يو10: 10)

المسيح جه علشان نرجع نعيش ونقرب من الله من تاني،
جه علشان تاخد حياة وتعيش حياة أفضل،
خد بالك "وَالْعَالَمُ يَمْضِي وَشَهْوَتُهُ، وَأَمَّا الَّذِي يَصْنَعُ
مَشِيئَةَ اللهِ فَيَثْبُتُ إِلَى الأَبَدِ" (1يو2: 17)
هتعيش حياتك تطلب الجاه والمال والصحة مسيرهم يخلصوا
هتقدم حياتك للمسيح هتعيش الحياة الأفضل.