منتدى الفرح المسيحى - الله بيستخدم امكانياتك الضعيفة

https://upload.chjoy.com/uploads/166272023010751.jpg

كتير بتكون أحلامنا أكبر من إمكانياتنا
واحيانا كتير نتخيل اننا استحالة نوصل لهدف حياتنا
بظروفنا دي او شخصياتنا دي او مواهبنا دي..
او نفكر هو احنا ازاي ممكن نحقق بيها حلمنا
ونوصل لرسالة وهدف حياتنا؟! ..
بس الحقيقة ان الله
متخصص في انه يبارك في القليل
ويستخدم الإمكانيات القليلة
او الملكات البسيطة اللي عندنا علشان يساعدنا نعمل بيها
حاجة كبيرة وليها قيمة .. بيحكيلنا الكتاب المقدس عن
راجل محارب كان اسمه جدعون، كان رايح يدخل حرب
لجيش قوي جدا عدده تقريبا ١٣٥٠٠٠ الف .. وهو جيشه ٣٣٠٠٠ بس..
الغريب بقى ان ربنا قاله لا الجيش بتاعك يا جدعون كتير اوي..
وفضل يصفي فيهم لغاية ما بقيو ٣٠٠ شخص بس؟!
ايوا ٣٠٠ شخص هيحاربوا ١٣٥,٠٠٠ الف شخص 😯
لو مش مصدقني هتلاقي الكلام دا
في سفر القضاه اصحاح ٧ 👌
عشان كدا لو انت متخيل ان امكانياتك قليلة
واستحالة توصلك لهدفك.. صدق ان الله قادر
يستخدم الأمكانيات القليلة بقوة لكل اللي واثق فيه
وعنده علاقة شخصية بيه.