منتدى الفرح المسيحى - رجعلي ضحكتي يارب بيني وبينك

https://upload.chjoy.com/uploads/166223304207391.jpg

بيتقال انت بقيت كئيب وسرحان
علي فكره
انا كنت زمان ضحكتي بتملي المكان
كنت بضحك واهزر حتي واضحك اي حد زعلان
ويتقالي احلي حاجه فيك هي ضحكتك
كنت انا اللي ارسم الضحكه علي الوشوش وانا جوايا وجع
واقول عادي كبر دماغك واقول لده انت كويس ولده انت جدع
ودلوقتي بقي يتقالي ما انت علي طول زعلان
طب ماتسألوا نفسكم
اللي ضحكته كانت مميزه
ليه انهارده باقت ملامحه مكرمشه و مِعجزه
اصل الكئيب مش كئيب في يوم وليله
الكئيب عدي بايام فيها وحده واهمال طويله
لاحد شافه ولا حد سنده وبقي قليل الحيله
الكئيب والحزين محتاج اللي يسمعه ويقوله مالك
محتاج يتقاله انا حاسس بيك وإنك غالي وانا مقدر احساسك
وافتكر ان في كل وجع مر بيك الله جه وشالك
قوله حتي رجعلي ضحكتي يارب بيني وبينك
رجعلي ضحكتي وانا معاك