منتدى الفرح المسيحى - الحب الأول عمره ما يتنسي.. صح ولا غلط؟

الحب الأول عمره ما يتنسي.. صح ولا غلط؟
https://upload.chjoy.com/uploads/166115826557751.jpg

هو مش بيتنسي لأنه بيبقى علّم فينا وعلينا قوي 😳
بنكون اتجرحنا فيه قوي وإلا كان هيكمل العمر كله ويتكلل بالإرتباط 💔

بنات كتير مننا عايشة في "جرح" الحب الأول بس يمكن تكون نسيت الجرح والألم وفاكرة بس الأوقات الحلوة وعايشة على ذكراها 🤩

أو العكس نسيت كل حاجة حلوة وعايشة مرارته ووجعه وفقدان الثقة في الآخر لحد دلوقتي وبقت تحاوط نفسها بدفاعيات تحفظها من إنها تتجرح تاني وبالتالي بتبعد الحب الحقيقي عنها 🤭

الحب الأول بيبقى بداية المشاعر وأول كل حاجة اللي في الغالب بنحس إنها أحلى حاجة... أحلى مشاعر وأحلى كلام وأحلى هدية 😍

هو الحقيقة مش "أحلى" لأنه مكانش عندك فكرة قديمة تقارنيه بيها فكان بالنسبة لك هو "كل حاجة" 🥰
النهاردة بنقولك اخرجي برة دايرة الحب الأول ومفهومه إنه مش هيتكرر 🤚
وإتأكدي إن أحلى حاجة حلوة هي اللي بتدوم مش الوقتية اللي بتخلص بسرعة أو مؤقتة 🤷‍♀️
ربنا خلقنا عشان نحب ونتحب كل يوم مش مرة وخلاص 🤗
مش وقت مؤقت وهينتهي لكن نحب ونتحب حتى نهاية عمرنا 🥰
#أفكار_عن_الحب