منتدى الفرح المسيحى - كَيْفَ أتَخَلَّص مِنْهَا (الخطية) ؟

https://upload.chjoy.com/uploads/165928378266321.jpg

كَيْفَ أتَخَلَّص مِنْهَا ؟
===========================
إِذَا كَانَ الإِنْسَان فِي يَدْ الشَّيْطَان .. مَلَك عَلَى حَيَاتُه وَمَلَك عَلَى إِرَادَتُه وَاسْتَغَلَّ نُقَطْ الضَّعْف اللِّي جُوَّاه .. إِذاً الحَلْ فِي الْمَسِيح .. الحَلْ فِي الْمَسِيح بِأنِّي أتْفَك مِنْ سُلْطَان الخَطِيَّة .. لاَزِم أشْعُر بِمَرَارِة الخَطِيَّة وَذُل الخَطِيَّة وَأشْعُر بِعُبُودِيِة الخَطِيَّة .. لاَزِم أعْرَف إِنْ البِنْت اللِّي بِتُرْقُص وَالوَلَدٌ اللِّي بِيغَنِّي وَالنَّاس اللِّي عَايْشِينْ فِي الخَلاَعَة لاَزِم أعْرَف إِنْ دِي عُبُودِيَّة .. هؤُلاَء عَبِيدٌ عِنْدَ سَيِدٌ قَاسِي عِرِفْ إِزَّاي يَسْتَغِلُّهُمْ وَإِزَّاي يِسْتَعْبِدْهُمْ وَإِزَّاي يِسْلِبْهُمْ إِرَادَتْهُمْ .. عِرِفْ إِزَّاي يِجْعَلْهُمْ يِعِيشُوا وَهُمَّ شَكْلُهُمْ إِنْ هُمَّ كُلَّ وَاحِدٌ فِيهُمْ إِنُّه إِنْسَان وَهُوَ مِشْ إِنْسَان لأِنُّه مِشْ حُر لأِنُّه مِشْ مِتِصِل بِإِلهُه لأِنُّه مَات .

أوِّل خَطْوَة عَشَانْ أعْرَفْ إِزَّاي أتْخَلَّص مِنْ الخَطِيَّة لاَزِم أقَاوِمْهَا وَأكْرَهَهَا وَأعْرَفْ هِيَّ ضَرِّتْنِي فِي إِيه وَأعْرَفْ هِيَّ أخَذِتْ مِنِّي إِيه .. أخَذِتْ مِنِّي كَثِير .. أخَذِتْ مِنِّي رَبِّنَا اللِّي بِأحِبُّه .. أخَذِتْ مِنِّي نَفْسِي .. أخَذِتْ مِنِّي الكِنِيسَة .. أخَذِتْ مِنِّي حُرِّيِتِي .. ذَلِّتْنِي .. أضْعَفِتْنِي .. تَعَبِتْنِي .. لاَ أعْرِف أنْ أقُول .. لأ .. عَشَانْ أتْخَلَّص مِنْ الخَطِيَّة لاَزِم :اكرها واقر بها