منتدى الفرح المسيحى - اطمن آجالك كلها في ايده

https://upload.chjoy.com/uploads/166081554888131.jpg

قريت مقولة عجبتني اوي بتقول :
Maybe you’re in the middle of what you prayed for ..
.. ( ربما تكون في وسط ما صليت من أجله ) .. 🙏

قعدت أفكر كتير فيها، وأقول ياترى إيه معناها؟ 🤔

لو إنت دلوقتي في وقت حزن، إحباط، خيبة أمل، حاسس إن كل باب بتخبط عليه بيترزع في وشك، إبليس دايما يجي يقولك دة لسة الاسوء مجاش، مرعوب حياتك تخرب أكتر👈🏻👈🏻 فاطمن😊 ..
( أنتَ في وسط ما صليت من أجله ) .. هو بيجهزك لسة، شغال فيك و لسة بيعدك لوليمة فرح عظيمة 🤗

لو أنت بتعدي في وقت رحب، حلو، ناجح، متشجع، محبوب
متنساش تشكره و تقدم له سجود لأن دة نتاج صلاتك أيام ويمكن سنين ، قول لنفسك أيوة ( أنا في وسط ما صليت من أجله ) أنا في قلب اللي صليتله سنين و سنين ، أشكرك 🙌

وافتكر الآيه الحلوة :
. "أَمَّا أَنَا فَعَلَيْكَ تَوَكَّلْتُ يَا رَبُّ. قُلْتُ: «إِلهِي أَنْتَ».
فِي يَدِكَ آجَالِي "(مزمور 31: 14-15)
وترجمتها👈🏻 في يدك "أوقاتي"🕐🕗🕢🕜🕓

في صباح يوم جديد ، اطمن آجالك كلها في ايده
، الخطة لسة شغالة ، القصة (قصتك) لسة منتهتش ،
مفيش وقت بيعدي في حياتك مش معمول حسابه، طول ما قلبك مسلم له ، حتي لو مش فاهم في وقت هو قال لبطرس كدة
: «لَستَ تعلَمُ أنتَ الآنَ ما أنا أصنَعُ، ولكنكَ ستَفهَمُ فيما بَعدُ».
يوحَنا 13 :7