منتدى الفرح المسيحى - عايزين نكمل اللي باقي من عمرنا معاك انت

https://upload.chjoy.com/uploads/166054377825581.jpg

هكَذَا يَكُونُ الآخِرُونَ أَوَّلِينَ وَالأَوَّلُونَ آخِرِينَ،
لأَنَّ كَثِيرِينَ يُدْعَوْنَ وَقَلِيلِينَ يُنْتَخَبُونَ" متي ٢٠: ١٦

أخبار سارة للجميع💃🏻💃🏻💃🏻
نفسك في نصيب الرسل في الملكوت؟!
نفسك تقعد جنب أبونا إبراهيم وإيليا النبي والقديس بطرس وبولس الرسول🤩🤩
حاسس أنك جاي متأخر للمسيح ونصيبك أقل من كل اللي قبلك؟!
أحب أقولك مبروك عليك أنك كسبت معانا👏🏻👏🏻👏🏻
وبقيت من أصحاب الساعة الحادية عشر..👌🏻👌🏻
مين هما دول أصحاب الساعة الحادية عشر؟!!!
👈🏻دول الناس اللي جايين متأخر جداً في آخر رُبع ساعة في القداس..
👈🏻دول الناس اللي وقفت تصلي خمس دقايق قبل نومها بعد يوم شاق طويل...
👈🏻دول الناس اللي مش حافظين ترانيم الإجتماع بس بيدندنوها في سرهم من قلبهم بدموع..
👈🏻 دول الناس اللي الخطية كل مرة بتكسرهم، لكن هما كل مرة بيُصِروا أنهم يقفوا من تاني و يقاوموها..
👈🏻دول الناس اللي معندهمش علاقات كنسية عظيمة، لكن وقفوا أمام رب المجد بكل شوق وحب وقالوا:
"إحنا منعرفش ناس كتيرة في كنيستك ولكن إحنا عايزين نكمل اللي باقي من عمرنا معاك انت."💜💜

"