https://upload.chjoy.com/uploads/166046882212721.jpg


💕🙏بتقول أمنا العدرا: تصادقو مع الملايكه: ميخائيل، جبرائيل وروفائيل، وخصوصي الملاك الحارس!
لإن بالمعركه الكبيرة لما الملاك المتمرّد على صلاح ألله .
. صرخ مار مخايل: مين متل ألله؟
وشحط لوسيفورس من السما .. ويسوع بيقول:
شفت الشيطان نازل من السما متل البرق..وانطفى.
وهيك، لما منلتجي للملاك ميخائيل منكون عم نشارك بمعركة الإنتصار.. والملاك ميخائيل بيحطنا تحت حمايتو وبتصدى لكل قوى الشر المنبثّي بالفضا وبدها تهلك الناس !
اما الملاك جبرايل فينا نطلب منو : يا حامل البشاير السعيدة ،
إحمل جواب مريم - نعم مريم وتصدى فيها لراس العصيان والجحود والتمرّد وحطن بكعب الجحيم وسكّر عليهن بحجر الخلاص المقدّس..
وللملاك روفائيل للي ستلقى دم يسوع لما نطعن بالحربه،
فينا نقول: يا مار روفايل حطّنا تحت غِطاء الدم التمين
ودافع عنا ضد الأمراض والأوبئه لأنك دوا ألله!
ولملاكي الحارس رح قول: يا ملاكي الحارس كون قدامي وورايي ودافع عني بكل تكي من هجومات الشرير واعوانه.. لأن الرب وكّلك فيي من يوم ما خلقت.
بالحقيقه الزمن صعب ونحنا بحاجي لمناصرة الملايكه الأمناء للرب يسوع ... وهيك منضمن الإنتصار الأكيد على الأرواح الشيطانيه للي كل همّها هلاك النفوس وقهر ألله بالإنسان!