منتدى الفرح المسيحى

https://upload.chjoy.com/uploads/166038333982281.jpg

معقول أسمع الضحكة عالية؟!
معقول أمسك الولد في حضني؟!
إبراهيم نفسه في طفل وأنا مكسورة قدامه..🥺
أعتقد السؤالين دول كانوا جوه سارة
اللي عجزت وانقطعت عنها عادة النساء.
.. ببساطة مستحيل تجيب طفل ..🙅🏻‍♀️
هنا الكتاب بيقول "وَافْتَقَدَ الرَّبُّ سَارَةَ كَمَا قَالَ،
وَفَعَلَ الرَّبُّ لِسَارَةَ كَمَا تَكَلَّمَ." (التكوين ٢١: ١)
الرب بنفسه افتقدها... لمسها..
. أكيد عمل معجزة في جسمها وجدده عشان يشيل طفل...
ويجي إسحق "ابن الضحك"😍🤩
ويكمل الكتاب "وَقَالَتْ سَارَةُ: «قَدْ صَنَعَ إِلَيَّ اللهُ ضِحْكًا. كُلُّ مَنْ يَسْمَعُ يَضْحَكُ لِي». (التكوين ٢١: ٦)
سارة اللي انتظرت ضحكت.. فرحت.. ومسكت تحقيقي الوعد بايديها..

.. لكل حد واخد من ربنا وعد... النهاردة اتمسك بالوعد، هو بيفكرك أنه هيفتقدك في وقته.
. هو جاي ليك بضحكة عالية هتفرحك وتفرح اللي حواليك...

إسحق هو تحقيق وعدك.. قوله أنا مصدق إن هيجي اليوم اللي هاقف مذهول زي ابراهيم الشيخ العجوز وهو شايل تحقيق الوعد..

مهما كان وعدك مستحيل..
👈🏻هو قادر..
مهما كان الوقت متأخر..
👈🏻هو جاي..
مهما كان الحزن والكسر جواك..
👈🏻هو هيبعت ضحكة..