منتدى الفرح المسيحى - صباحكم في ايد اللي ماسك الدفة🛟⛵

https://upload.chjoy.com/uploads/166011368193961.jpg

بقالي فترة واقف مكاني في حياتي مش بعمل حاجة 😐
سواء شغل أو ارتباط أو أي حاجة تانية .
حاسس نفسي في مفترق طرق و خايف أخد خطوة غلط
أندم عليها باقي عمري 🤦
مش عارف أقوم أتحرك و لا أفضل مكاني ..
محتار و حاسس بعجز رهيب 😓
حتي كلام اللي حواليا و نظراتهم بقيت تحسسني بكده 😔
أنا في صراع مابين أعيش لنفسي و أخد قراراتي علي هذا الأساس 🙂
و لا أعيش لربنا و هو اللي يقودني أروح علي فين🧐
و كانت جوايا صرخة لربنا "مِنْ أَجْلِ اسْمِكَ تَهْدِينِي وَتَقُودُنِي
." (مزمور٣:٣١) 🙏
اخترت إني هعيش لربنا و باختار إرداته و مشيئته لحياتي 😇
و لما طلبت صوته و قيادته ليّ، كان جوابه :
سَلِّمْ لِلرَّبِّ طَرِيقَكَ وَاتَّكِلْ عَلَيْهِ وَهُوَ يُجْرِي (مزمور ٥:٣٧ ) ✨

سمعته بيقولي ماتحسبهاش كتير سلم لي أمورك و أنا هادبرها ♥️
صديقي😊
أنا مشاكلي لسه ماتحلتش، بس أنا خلاص مطمن
و عارف مين اللي ماسك الدفة 😌

صباحكم في ايد اللي ماسك الدفة🛟⛵