منتدى الفرح المسيحى - كلمات ترنيمة هَوِّنها وِعَدِّي الأزمات

https://upload.chjoy.com/uploads/165982251401431.jpg

كلمات ترنيمة هَوِّنها وِعَدِّي الأزمات *

1- اسندنا يا ربنا يا معين رافعين لك أيادينا علشان

لمراحمك كلنا طالبين نجي قلوبنا من الأحزان

( هونها وعدي الأزمات وابعت لنا فرحة وبركات

وهنستنى الاستجابات واثقين فيك دايماً يا معين ) (2)

2- اللي لوحده مالوش اصحاب كل الناس بعدوا ونسيه

بوجودك ينسى الأتعاب انت حبيبه وانت أبوه

( هونها وعدي الأزمات وابعت لنا فرحة وبركات

وهنستنى الاستجابات مالناش غير حضنك يا يسوع ) (2)

3- اللي مريض وعلاجه محال متألم مش لاقي دواه

اول ما هتؤمر في الحال هيلاقي نجاته وشفاه

( هونها وعدي الأزمات وابعت لنا فرحة وبركات

وهنستنى الاستجابات انت الشفا وحدك يا يسوع ) (2)

4- اللي في ضيقة وقلبه كئيب من كتر الأوجاع مكسور

جرحه بلمساتك هيطيب وهيرجع راضي ومجبور

( هونها وعدي الأزمات وابعت لنا فرحة وبركات

وهنستنى الاستجابات شدة وبيك هتزول يا يسوع ) (2)

5- اللي عليه ديون والتزامات وما بينامش من التفكير

هتسدد له الاحتياجات وتعوضه اكتر بكتير

( هونها وعدي الأزمات وابعت لنا فرحة وبركات

وهنستنى الاستجابات دا رجانا في غناك يا يسوع ) (2)

6- اللي بيبكي على اللي سابوه مش عايز يتعزى في يوم

مين غيرك انت يقويه ويفرح قلبه المهموم

( هونها وعدي الأزمات وابعت لنا فرحة وبركات

وهنستنى الاستجابات عزينا بوعدك يا يسوع ) (2)