منتدى الفرح المسيحى

https://upload.chjoy.com/uploads/165972743916671.jpg

كتير صلواتي بتكون فيها شك!
مش شك شك يعني، لكن بابقى باصلي
وأنا مش عارف ربنا هيسمع ولا لأ!!
ماقصدش مش بيسمعني ... هاحاول افهمكم!
أقصد أنه يا ترى هيستجيب ولا مش هيستجيب ...!
يوووه مقصدش دي برضه🙈.....
بصوا بدون مُقدمة طويلة لقيت الآية دي ☺️ في مزمور52 : 9
أَحْمَدُكَ إِلَى ٱلدَّهْرِ لِأَنَّكَ فَعَلْتَ، وَأَنْتَظِرُ ٱسْمَكَ فَإِنَّهُ صَالِحٌ قُدَّامَ أَتْقِيَائِكَ

فرقت معايا الكلمات دي وعبرت عن كل اللي جوايا جدا 😇
أنا بحمدك وبشكرك دايماً .... حتى لو مش فاهم ومش عارف استجابتك ازاي وإيه الطريقة 🙏🏻
لكني عارف حاجة واحدة بس أنك صالح.... أيوة صالح 👌🏻
ومع ولادك دايماً صالح وبتعمل الأفضل والأصح ليهم حتى لو أنا مش فاهم!🤷🏻‍♀️
عشان كدة باحمدك عشان "أنت فعلت"
مش بس فعلت في الماضي وعملت أفضل جداً من اللي كنت عايزه أو باستناه
لكن كمان فعلت في اللي باطلبه دلوقتي وهاطلبه بعدين!
وعندك الرد وعندك الحل دايماً!
واللي هو أفضل ليا جداً حتى لو بان ليا غير كدة 🧐
ببساطة ثقتي مش بس في فعلك وأنك هتعمل لكن ثقتي في كينونتك "أنك صالح" 😊

#أَحْمَدُكَ إِلَى ٱلدَّهْرِ لِأَنَّكَ #فَعَلْتَ
، وَأَنْتَظِرُ ٱسْمَكَ فَإِنَّهُ صَالِحٌ قُدَّامَ أَتْقِيَائِكَ💜💜